Imom bayildi
Boshqacha: imam bayildi, imam bayildi baqlajon, piyozli dimlangan baqlajon, imam bayaldy
- 1 soat 20 daqiqa
- O'rtacha
- Quyuq taom
Masalliqlar
- Baqlajon 4 dona
- Piyoz 3 dona
- Sarimsoq (tish) 6 dona
- Pomidor 3 dona
- Achchiq bo'lmagan ko'k qalampir 2 dona
- Shakar 1 choy qoshiq
- O'simlik yog'i 100 ml
- Ko'k piyoz yoki petrushka 1 bog'
- Issiq suv 200 ml
- Tuz ta'bga ko'ra
- Qora qalampir ta'bga ko'ra
Tayyorlash
Baqlajonning po'stini yo'l-yo'l qilib arching, uzunasiga kesmasdan tilib qo'ying. Tuzli suvda 20 daqiqa ushlab, quriting.
Baqlajonlarni tovada yog'da har tomonini yumshaguncha qovurib oling.
Shu yog'da yarim halqa piyozni yumshaguncha qovuring, sarimsoq, mayda to'g'ralgan pomidor va qalampir, shakar, tuz qo'shib 10 daqiqa dimlang.
Ko'katning yarmini qo'shib aralashtiring.
Baqlajonlarni qozonga tering, tilingan joyini ochib, ichini piyozli sabzavot bilan to'ldiring.
Tagiga issiq suv quyib, qopqog'ini yopib past olovda 30 daqiqa dimlang. Iliq yoki sovuq holda ko'kat sepib torting.
