Lobio
Boshqacha: loviya qovurma, qizil loviya, lobiya
- 1 soat 30 daqiqa
- Oson
- Quyuq taom
Masalliqlar
- Qizil loviya 400 g
- Piyoz 200 g
- Yong'oq 80 g
- Sarimsoq (tish) 3 dona
- Kashnich 1 bog'
- Tomat pastasi (ixtiyoriy) 1 osh qoshiq
- O'simlik yog'i 3 osh qoshiq
- Xmeli-suneli (ixtiyoriy) 1 choy qoshiq
- Uzum sirkasi (ixtiyoriy) 1 osh qoshiq
- Achchiq qalampir (ixtiyoriy) 1 dona
- Tuz ta'bga ko'ra
Tayyorlash
Loviyani kechasi bilan ivitib qo'ying.
Suvini to'kib, yangi suvda past olovda 50-60 daqiqa yumshaguncha qaynating. Oxirida tuzlang.
Tovada yog'ni qizdirib, mayda to'g'ralgan piyozni qovuring, tomat pastasini qo'shing.
Loviyani suvidan suzib, piyozga qo'shing va bir qismini ezg'ilab, 5 daqiqa qovuring.
Maydalangan yong'oq, sarimsoq, xmeli-suneli va sirkani qo'shib aralashtiring.
Mayda to'g'ralgan kashnich sepib, issiq yoki sovuq holda torting.
