Товуқ табака
Бошқача: тсиплёнок табака, тапака, жўжа табака
- 1 соат 10 дақиқа
- Ўртача
- Қуюқ таом
Масаллиқлар
- Жўжа (0,6-0,8 кг) 2 дона
- Саримсоқ (тиш) 4 дона
- Сариёғ 40 г
- Ўсимлик ёғи 2 ош қошиқ
- Қизил қалампир (паприка) (ихтиёрий) 1 чой қошиқ
- Кашнич (ихтиёрий) 1 боғ
- Туз таъбга кўра
- Қора қалампир таъбга кўра
Тайёрлаш
Жўжани кўкрак томонидан узунасига кесиб, ёйиб қўйинг ва болғача билан тенг қалинликда уриб яссиланг.
Туз, қалампир, паприка ва эзилган саримсоққа ишқалаб, 30 дақиқа қолдиринг.
Катта товада сариёғ ва ўсимлик ёғини қиздиринг. Жўжани териси билан пастга қўйинг.
Устига қопқоқ ва оғир юк қўйиб, ўртача оловда 12-15 дақиқа қизаргунча қовуринг.
Ағдариб, яна юк остида 12-15 дақиқа пиширинг. Кашнич сепиб тортинг.
