Koreyscha fuju
Boshqacha: sparzha po-koreyski, soya sparjasi salati, fuchzhu
- 2 soat 30 daqiqa
- Oson
- Salat
Masalliqlar
- Quruq fuju (soya sparjasi) 200 g
- Sabzi 200 g
- Piyoz 1 dona
- Sarimsoq (tish) 3 dona
- O'simlik yog'i 60 ml
- Soya sousi 3 osh qoshiq
- Sirka (9%) 2 osh qoshiq
- Shakar 1 choy qoshiq
- Yanchilgan kashnich urug'i 1 choy qoshiq
- Achchiq qizil qalampir ½ choy qoshiq
- Kunjut (ixtiyoriy) 1 osh qoshiq
- Tuz ta'bga ko'ra
Tayyorlash
Fujuni kechasi 10-12 soat sovuq suvda ivitib qo'ying (bu vaqt umumiy vaqtga kirmagan).
Yumshagan fujuni chayib, suvini siqing va 3-4 sm li qiya bo'laklarga kesing.
Sabzini koreyscha qirg'ichdan o'tkazib, shakar, tuz va sirkaning yarmi bilan ezib aralashtiring.
Yog'ni qizdirib, yarim halqa piyozni 1-2 daqiqa qovuring, keyin ezilgan sarimsoq, kashnich urug'i va achchiq qalampirni qo'shib darrov olovdan oling.
Issiq yog'ni fuju va sabzi ustiga quying, soya sousi va qolgan sirkani qo'shib aralashtiring.
Kamida 2 soat muzlatkichda marinadlang. Kunjut sepib torting.
