Qozon kabob
Boshqacha: qozon kabobi, kartoshkali kabob
- 1 soat 10 daqiqa
- O'rtacha
- Quyuq taom
Masalliqlar
- Qo'y go'shti (qovurg'a) 1 kg
- Kartoshka 1 kg
- Piyoz 200 g
- O'simlik yog'i 100 ml
- Tuz ta'bga ko'ra
- Zira 1 choy qoshiq
Tayyorlash
Go'shtni 4-5 sm li bo'laklarga to'g'rang. Kartoshkani tozalab, yirik bo'laklarga kesing.
Qozonda yog'ni yaxshi qizdiring. Go'shtni solib, kuchli olovda har tomonini 15 daqiqa qizartiring.
Tuz va zira seping. Qopqoqni yopib, past olovda 30 daqiqa pishiring.
Kartoshkani go'sht ustiga soling va ozgina tuz seping. Qopqoqni yopib, kartoshka yumshaguncha 20 daqiqa pishiring.
Piyozni halqa qilib to'g'rang. Kabobni likopchaga suzib, ustiga piyoz yoying.
