Сут қизи торти
Бошқача: молочная девочка, сутли қиз торти, қуюлтирилган сутли торт
- 1 соат 30 дақиқа
- Ўртача
- Ширинлик
Масаллиқлар
- Қуюлтирилган сут (хамирга) 380 г
- Тухум 2 дона
- Ун 160 г
- Қабартма кукуни (разрйхлител) 1 чой қошиқ
- Сариёғ (кремга) 200 г
- Қуюлтирилган сут (кремга) 250 г
- Ванилин (ихтиёрий) 1 чимдим
Тайёрлаш
Духовкани 200 даража қиздиринг. Пергаментга 20 см ли айлана чизинг.
Қуюлтирилган сут ва тухумни миксерда 2-3 дақиқа кўпиртиринг. Эланган ун ва қабартма кукунини қўшиб, қуюқ сметанадек хамир қилинг.
Пергаментдаги айланага 2 ош қошиқ хамирни юпқа ёйинг ва 4-5 дақиқа, четлари оч тилла ранг бўлгунча пиширинг. Шундай қилиб 6-7 та корж тайёрланг.
Иссиқ коржни ликопча бўйича текислаб кесинг, қолдиқларини увоқ учун сақланг.
Крем учун хона ҳароратидаги сариёғни оқаргунча кўпиртириб, қуюлтирилган сутни оз-оздан ва ванилинни қўшинг.
Коржларни крем билан суртиб устма-уст тахланг, устини ва ёнини ҳам суртинг, майдаланган увоқ сепинг.
Камида 3 соат (яхшиси кечаси) музлаткичда сингдиринг; бу вақт умумий вақтга кирмаган.
