Gulyash
Boshqacha: gulash, go'shtli sous, podliva
- 1 soat 30 daqiqa
- Oson
- Quyuq taom
Masalliqlar
- Mol go'shti 600 g
- Piyoz 200 g
- Sabzi (ixtiyoriy) 1 dona
- Tomat pastasi 1½ osh qoshiq
- Un 1½ osh qoshiq
- O'simlik yog'i 3 osh qoshiq
- Lavr bargi (ixtiyoriy) 2 dona
- Tuz ta'bga ko'ra
- Qora qalampir ta'bga ko'ra
Tayyorlash
Go'shtni 2-3 sm kubik qilib to'g'rang.
Qozonda yog'ni qizdirib, go'shtni har tomoni qizarguncha qovuring.
Yarim halqa qilib to'g'ralgan piyoz va qirg'ichdan o'tkazilgan sabzini qo'shib, 5 daqiqa qovuring.
Tomat pastasini qo'shib aralashtiring. Go'shtni yopguncha issiq suv quyib, tuz va qalampir soling.
Qopqoqni yopib, past olovda 1 soat dimlang. Oxirida lavr bargi qo'shing.
Unni yarim piyola sovuq suvda eritib, gulyashga aralashtirib quying va sous quyuqlashguncha 10 daqiqa qaynating.
Kartoshka pyuresi, grechka yoki makaron bilan torting.
