Kabachok dolma
Boshqacha: qiymali kabachok, farshirovanniy kabachok, kabachki farshirovannye
- 1 soat 15 daqiqa
- O'rtacha
- Quyuq taom
Masalliqlar
- Kabachok 3 dona
- Mol go'shti qiymasi 400 g
- Guruch 60 g
- Piyoz 1 dona
- Sabzi 1 dona
- Tuxum 1 dona
- Smetana 100 g
- Qattiq pishloq 80 g
- O'simlik yog'i 2 osh qoshiq
- Tuz ta'bga ko'ra
- Qora qalampir ta'bga ko'ra
Tayyorlash
Guruchni 8-10 daqiqa, yarim pishguncha qaynatib, suzing.
Piyoz va sabzini mayda to'g'rab, yog'da 5-7 daqiqa qovuring.
Qiyma, guruch, qovurilgan sabzavot, tuxum, tuz va qalampirni aralashtiring.
Kabachoklarni 4-5 sm balandlikda bochkacha qilib kesing va o'rtasini tagini qoldirib qoshiq bilan o'yib oling.
Qiyma bilan to'ldirib, qolipga tering va ustiga smetana surting. 180°C pechda 40 daqiqa pishiring.
Ustiga pishloq sepib, yana 10 daqiqa qizartiring.
