Kungaboqar kozinagi
Boshqacha: kozinaki, kozinak, semechka kozinagi
- 50 daqiqa
- Oson
- Shirinlik
Masalliqlar
- Kungaboqar pistasi (tozalangan) 250 g
- Shakar 200 g
- Asal 1 osh qoshiq
- Limon sharbati 2 osh qoshiq
- Suv 2 osh qoshiq
- O'simlik yog'i 1 choy qoshiq
Tayyorlash
Pistani quruq tovada, aralashtirib, 5-7 daqiqa och tilla rang bo'lguncha qovuring va alohida idishga oling.
Pergament yoki taxtachani yupqa yog'lang.
Qalin tubli tovaga shakarni sepib, o'rtacha olovda, aralashtirib 5-7 daqiqa eriting.
Shakar erib, sarg'aya boshlaganda asalni qo'shing va yana 3-5 daqiqa aralashtiring. Suv va limon sharbatini ehtiyotlab, oz-ozdan quying (sachraydi).
Pistani qo'shib tez aralashtiring va issiq massani pergamentga 1 sm qalinlikda yoying, yog'langan qoshiq bilan tekislang.
Sal qotgach (5-10 daqiqa), hali iliqligida pichoq bilan bo'laklarga kesing. To'liq sovugach sindirib ajrating.
