Дапанжи
Бошқача: да пан жи, дапандзҳи, катта товоқли товуқ, уйғурча дапанжи
- 1 соат 10 дақиқа
- Ўртача
- Қуюқ таом
Масаллиқлар
- Товуқ (бўлакланган) 1 кг
- Картошка 500 г
- Болгар қалампири 2 дона
- Пиёз 1 дона
- Саримсоқ (тиш) 5 дона
- Занжабил (янги) (ихтиёрий) 20 г
- Томат пастаси 1 ош қошиқ
- Соя соуси 3 ош қошиқ
- Шакар 1 ош қошиқ
- Бадиён (юлдузча) (ихтиёрий) 2 дона
- Лавр барги 2 дона
- Қуруқ аччиқ қалампир (ихтиёрий) 3 дона
- Ўсимлик ёғи 4 ош қошиқ
- Сув 600 мл
- Лағмон уграси (тайёр) 300 г
- Кўк пиёз ½ боғ
- Туз таъбга кўра
Тайёрлаш
Товуқни суяги билан 4-5 см ли бўлакларга, картошкани йирик, қалампирни катта квадрат, пиёзни бўлак қилиб тўғранг.
Қозонда ёғни қиздириб, шакарни солинг ва оч карамел рангига келгунча эритинг. Товуқни қўшиб 5-7 дақиқа қизартиринг.
Пиёз, саримсоқ, занжабил, бадиён, лавр барги, аччиқ қалампир ва томат пастасини қўшиб 2 дақиқа қовуринг.
Соя соуси ва сувни қуйинг, қайнагач картошкани солинг. Қопқоқ остида ўртача оловда 20-25 дақиқа, картошка юмшагунча пиширинг.
Болгар қалампирини қўшиб яна 5 дақиқа пиширинг, тузини ростланг. Соуси қуюқроқ бўлсин.
Шу вақтда уграни тузли сувда қайнатиб, сувини тўкинг.
Катта товоққа уграни ёйиб, устига товуқ, картошка ва соусини қуйинг. Кўк пиёз сепиб тортинг.
