Medovik torti
Boshqacha: medovik, asalli tort
- 2 soat 30 daqiqa
- Qiyin
- Shirinlik
Masalliqlar
- Un 500 g
- Asal 100 g
- Shakar 400 g
- Sariyog' 100 g
- Tuxum 3 dona
- Soda 1 choy qoshiq
- Smetana (20%) 800 g
Tayyorlash
Asal, 200 g shakar va sariyog'ni suv hammomida eriguncha qizdiring.
Sodani qo'shing va massa ko'pirib, rangi ochilguncha aralashtiring.
Biroz sovigach, tuxumlarni birma-bir qo'shing, so'ng unni solib yumshoq xamir qoring.
Xamirni 8 bo'lakka bo'lib, har birini yupqa yoying va 180 darajada 3-5 daqiqa pishiring. Issiqligida tekis qilib kesing.
Smetanani qolgan 200 g shakar bilan ko'pirtiring.
Qatlamlarni krem bilan surib tering, chetlarini uvoq bilan seping va kamida 8 soat shimdiring (vaqtga kirmaydi).
