Тепси кабоб
Бошқача: тепси кебаби, сини кебаб, патнисда қийма кабоб, тепси кебаб
- 1 соат
- Осон
- Қуюқ таом
Масаллиқлар
- Мол гўшти қиймаси 700 г
- Пиёз 1 дона
- Саримсоқ (тиш) 3 дона
- Болгар қалампири 1 дона
- Петрушка 1 боғ
- Картошка 3 дона
- Помидор 3 дона
- Аччиқ бўлмаган кўк қалампир 4 дона
- Томат пастаси 1 ош қошиқ
- Сув 150 мл
- Зира 1 чой қошиқ
- Қизил қалампир 1 чой қошиқ
- Туз таъбга кўра
- Қора қалампир таъбга кўра
Тайёрлаш
Пиёз, саримсоқ, болгар қалампири ва петрушкани жуда майда тўғранг.
Қиймага барча тўғралган масаллиқ, зира, қизил қалампир, туз ва қора қалампирни бир йўла қўшиб, 5 дақиқа яхшилаб қоринг.
Қиймани патнисга 1,5 см қалинликда текис ёйиб, пичоқ билан бўлакларга чизиб қўйинг.
Устига картошка ва помидор тилимларини, бутун кўк қалампирларни теринг.
Томат пастасини сувда эритиб, устидан қуйинг.
200 даражали печда 35-40 дақиқа, картошка пишгунча пиширинг. Лаваш ёки нон билан тортинг.
