Андижон девзира оши
Бошқача: девзира ош, Фарғона оши, андижанский плов
- 2 соат 30 дақиқа
- Ўртача
- Қуюқ таом
Масаллиқлар
- Девзира гуручи 1 кг
- Қўй гўшти (суякли) 1 кг
- Сариқ сабзи 1 кг
- Пиёз 300 г
- Пахта ёғи ёки ўсимлик ёғи 250 мл
- Нўхат (ихтиёрий) 150 г
- Болгар қалампири (ихтиёрий) 1 дона
- Аччиқ қалампир (ихтиёрий) 1 дона
- Саримсоқ боши 3 дона
- Зира 1 ош қошиқ
- Зирк (ихтиёрий) 1 чой қошиқ
- Туз таъбга кўра
Тайёрлаш
Нўхат қўшсангиз, кечаси билан ивитиб қўйинг. Девзирани ювиб, илиқ шўр сувда 2 соат ивитиб қўйинг (шу орада зирвак тайёрланади).
Қозонда ёғни тутун чиққунча қиздиринг. Суякли гўштни солинг ва қизаргунча қовуринг.
Ҳалқа қилиб тўғралган пиёзни қўшиб, қизаргунча қовуринг.
Сомонча қилиб тўғралган сабзини қўшинг ва 10-15 дақиқа қовуринг. Нўхат, зира, зирк ва туз солинг.
Иссиқ сув қуйинг, бутун болгар ва аччиқ қалампирни солинг. Паст оловда 40 дақиқа зирвак қайнатинг.
Гуручни ёйиб, гуручдан 1,5 см баланд қайноқ сув қуйинг. Суви синггунча пиширинг, саримсоқни ботиринг.
Гуручни тепалик қилиб йиғинг, қопқоқни ёпиб, паст оловда 30 дақиқа димланг. Аралаштириб, лаганга сузинг.
