Товуқли димлама
Бошқача: товуқ димлама, товуқ босма
- 1 соат
- Осон
- Қуюқ таом
Масаллиқлар
- Товуқ (сон қисми) 800 г
- Картошка 500 г
- Сабзи 200 г
- Пиёз 200 г
- Карам 300 г
- Болгар қалампири 1 дона
- Помидор 200 г
- Саримсоқ (тиш) (ихтиёрий) 4 дона
- Ўсимлик ёғи 3 ош қошиқ
- Зира (ихтиёрий) 1 чой қошиқ
- Кашнич (ихтиёрий) 1 боғ
- Туз таъбга кўра
Тайёрлаш
Товуқни бўлаклаб, қозон тагига ёғ қуйиб теринг. Туз ва зира сепинг.
Устига ҳалқа қилиб тўғралган пиёзни ёйинг.
Кейин сабзи, картошка, болгар қалампири ва помидорни қатлам-қатлам теринг. Ҳар қатламга озгина туз сепинг.
Энг устини карам барглари ёки йирик тўғралган карам билан ёпинг, саримсоқни ботиринг.
Қопқоқни зич ёпиб, қайнагач оловни пасайтиринг ва 40-45 дақиқа димланг. Кашнич сепиб тортинг.
