Товуқли қозон кабоб
Бошқача: товуқ қозон кабоб, қозонда товуқ ва картошка, казан кабоб из куритсй
- 1 соат
- Осон
- Қуюқ таом
Масаллиқлар
- Товуқ (бўлакланган) 1,3 кг
- Картошка 1,2 кг
- Пиёз 2 дона
- Ўсимлик ёғи 250 мл
- Зира 1 чой қошиқ
- Кашнич уруғи (майдаланган) ½ чой қошиқ
- Кўкат (ихтиёрий) ½ боғ
- Туз таъбга кўра
- Қора қалампир таъбга кўра
Тайёрлаш
Товуқни йирик бўлакларга бўлиб, туз ва озгина ёғ билан аралаштиринг.
Қозонда ёғни кучли қиздириб, йирик тўғралган картошкани қизаргунча қовуриб олинг ва тузланг.
Шу ёғда товуқнинг ҳар томонини қизаргунча қовуринг.
Ортиқча ёғни тўкиб (50 мл қолдиринг), ярим ҳалқа пиёз, зира ва кашнич уруғини қўшиб, 3-4 дақиқа қовуринг.
Картошкани товуқ устига теринг, 1 пиёла сув қуйиб, қопқоқ остида паст оловда 25-30 дақиқа димланг. Кўкат сепиб тортинг.
