Мохора
Бошқача: махора, моҳора, бухороча нўхат шўрва
- 2 соат 20 дақиқа
- Ўртача
- Суюқ таом
Масаллиқлар
- Қўй гўшти (суякли) 700 г
- Думба 70 г
- Нўхат 180 г
- Пиёз 300 г
- Сабзи 150 г
- Болгар қалампири 150 г
- Помидор 200 г
- Картошка 250 г
- Зира 1 чой қошиқ
- Кашнич уруғи (янчилган) 1 чой қошиқ
- Сув 1,5 л
- Туз таъбга кўра
- Кўкат (кашнич, укроп, кўк пиёз) 1 боғ
Тайёрлаш
Нўхатни бир кун олдин илиқ сувда ивитиб қўйинг (бу вақт ҳисобга кирмаган).
Сабзи, қалампир, помидор ва картошкани нўхат катталигида, 1 см ли кубик қилиб тўғранг. Пиёзни юпқа тўғранг.
Қозонда думбани эритиб, жиззасини олинг. Гўштни баланд оловда қизаргунча 5 дақиқа қовуринг.
Пиёзни қўшиб, шаффоф бўлгунча қовуринг. Сабзини солиб 5 дақиқа, помидор ва қалампирни солиб яна 4 дақиқа қовуринг.
Совуқ сув қуйинг ва нўхатни солинг. Қайнагач, оловни пасайтириб, нўхат юмшагунча 60-90 дақиқа қайнатинг.
Картошка, туз, зира ва кашнич уруғини қўшиб, 15 дақиқа қайнатинг. Кўкат сепиб тортинг.
