Товуқли олхўри қоқи салати
Бошқача: салат с куритсей и черносливом, черносливли товуқ салати, олхўри қоқили товуқ салати
- 50 дақиқа
- Осон
- Салат
Масаллиқлар
- Товуқ филеси 400 г
- Қора олхўри қоқиси 150 г
- Ёнғоқ мағзи 80 г
- Тухум 3 дона
- Бодринг (ихтиёрий) 1 дона
- Сметана ёки маёнез 4 ош қошиқ
- Туз таъбга кўра
Тайёрлаш
Товуқни тузли сувда 20-25 дақиқа қайнатиб, совутинг ва толаларга ажратинг ёки майда тўғранг.
Олхўри қоқисини 10 дақиқа илиқ сувда бўктириб, қуритинг ва тўғранг.
Тухумни 10 дақиқа қайнатиб, майда тўғранг. Ёнғоқни қуруқ товада қиздириб, майдаланг.
Бодрингни сомонча қилиб тўғранг.
Ҳаммасини сметана ёки маёнез билан аралаштиринг (ёки қатламлаб теринг), устига ёнғоқ сепиб тортинг.
