Pechda qo'y soni
Boshqacha: pishirilgan qo'y soni, qo'y son kabob, baranya noga v duxovke
- 3 soat 30 daqiqa
- O'rtacha
- Quyuq taom
Masalliqlar
- Qo'y soni 2,5 kg
- Sarimsoq boshi 1 dona
- O'simlik yog'i 4 osh qoshiq
- Zira 2 choy qoshiq
- Kashnich urug'i (maydalangan) 1 choy qoshiq
- Qizil qalampir 1 choy qoshiq
- Tuz 1 osh qoshiq
- Qora qalampir ta'bga ko'ra
- Kartoshka (ixtiyoriy) 1 kg
- Piyoz 2 dona
Tayyorlash
Sonni yuvib quriting. Qalin joylarida 2-3 sm chuqur kesiklar ochib, ichiga sarimsoq tishlarini tiqing.
Yog'ni tuz, zira, kashnich urug'i va qalampir bilan aralashtirib, sonning hamma tomoniga surting. Xona haroratida 1 soat qoldiring.
Pechni 170°C ga qizdiring. Patnisga yirik to'g'ralgan kartoshka va piyozni yoyib, ustiga sonni qo'ying.
Folga bilan yopib, 1,5 soat pishiring. Folgani olib, sonni ag'daring va yana 30-40 daqiqa qizarguncha pishiring.
Pechdan olib, folga ostida 15 daqiqa dam oldiring. Yupqa kesib, kartoshka bilan torting.
