Bedana tuxumli osh
Boshqacha: bedana tuxumli palov, to'y oshi
- 2 soat 10 daqiqa
- O'rtacha
- Quyuq taom
Masalliqlar
- Guruch 800 g
- Qo'y go'shti 700 g
- Sabzi 800 g
- Piyoz 300 g
- O'simlik yog'i 200 ml
- No'xat (ivitilgan) 150 g
- Mayiz 100 g
- Zirk (ixtiyoriy) 1 osh qoshiq
- Bedana tuxumi 18 dona
- Sarimsoq boshi (ixtiyoriy) 2 dona
- Zira 1 osh qoshiq
- Tuz ta'bga ko'ra
Tayyorlash
Guruchni yuvib, iliq sho'r suvda 1 soat ivitib qo'ying. No'xatni kechasi ivitib, yarim pishguncha qaynating.
Bedana tuxumlarini qaynoq suvda 4 daqiqa qaynatib, sovuq suvda sovuting va archib qo'ying.
Qozonda yog'ni qizdirib, piyoz va go'shtni qizarguncha qovuring. Somoncha to'g'ralgan sabzini qo'shib, 10 daqiqa qovuring.
Tuz va zira soling. Qaynoq suv quyib, 35 daqiqa zirvak qaynating. No'xat, mayiz va zirkni qo'shing.
Guruchni zirvak ustiga tekis yoying. Suv guruchdan bir barmoq bo'g'imi baland bo'lsin. Sarimsoqni botirib qo'ying.
Suv singguncha qopqoqsiz pishiring. Keyin qopqoqni yopib, past olovda 25 daqiqa dimlang.
Oshni lagan yoki katta likopchaga torting. Ustiga bedana tuxumlarini terib qo'ying.
