Печда қўй сони
Бошқача: пиширилган қўй сони, қўй сон кабоб, бараня нога в духовке
- 3 соат 30 дақиқа
- Ўртача
- Қуюқ таом
Масаллиқлар
- Қўй сони 2,5 кг
- Саримсоқ боши 1 дона
- Ўсимлик ёғи 4 ош қошиқ
- Зира 2 чой қошиқ
- Кашнич уруғи (майдаланган) 1 чой қошиқ
- Қизил қалампир 1 чой қошиқ
- Туз 1 ош қошиқ
- Қора қалампир таъбга кўра
- Картошка (ихтиёрий) 1 кг
- Пиёз 2 дона
Тайёрлаш
Сонни ювиб қуритинг. Қалин жойларида 2-3 см чуқур кесиклар очиб, ичига саримсоқ тишларини тиқинг.
Ёғни туз, зира, кашнич уруғи ва қалампир билан аралаштириб, соннинг ҳамма томонига суртинг. Хона ҳароратида 1 соат қолдиринг.
Печни 170°C га қиздиринг. Патнисга йирик тўғралган картошка ва пиёзни ёйиб, устига сонни қўйинг.
Фолга билан ёпиб, 1,5 соат пиширинг. Фолгани олиб, сонни ағдаринг ва яна 30-40 дақиқа қизаргунча пиширинг.
Печдан олиб, фолга остида 15 дақиқа дам олдиринг. Юпқа кесиб, картошка билан тортинг.
