Satsivi
Boshqacha: satsivi iz kuritsy, yong'oq sousli tovuq, kurica v orehovom souse
- 2 soat 30 daqiqa
- Qiyin
- Quyuq taom
Masalliqlar
- Butun tovuq 1,5 kg
- Yong'oq mag'zi 300 g
- Piyoz 2 dona
- Sarimsoq (tish) 5 dona
- Xmeli-suneli 1 choy qoshiq
- Utsxo-suneli 1 choy qoshiq
- Kashnich urug'i 1 choy qoshiq
- Sirka (6%) 1 osh qoshiq
- Sariyog' 30 g
- Kashnich 1 bog'
- Tuz ta'bga ko'ra
- Qizil qalampir ta'bga ko'ra
Tayyorlash
Tovuqni sovuq suvga solib, qaynagach ko'pigini olib, tuz qo'shib 1 soat pishiring. Sho'rvasini saqlab qo'ying.
Tovuqni bo'laklab, sariyog'da tez qizartirib oling.
Yong'oqni sarimsoq bilan go'sht maydalagichdan ikki marta o'tkazing yoki blenderda maydalang.
Mayda to'g'ralgan piyozni tovuq yog'ida yumshaguncha qovuring.
Yong'oqqa ziravorlar, piyoz va sirka qo'shib, 600-700 ml iliq sho'rva bilan quyuq qaymoqdek suyultiring. 10 daqiqa past olovda qaynatib, tuz soling.
Tovuqni sousga solib, 5 daqiqa qaynatib oling.
Sovutib, muzlatkichda kamida 30 daqiqa (yaxshisi bir kecha) turg'izing. Kashnich sepib sovuq holda torting.
