Уй музқаймоғи (пломбир)
Бошқача: пломбир, уйда музқаймоқ, сутли музқаймоқ
- 45 дақиқа
- Ўртача
- Уй тайёрламаси
Масаллиқлар
- Сут 250 мл
- Қаймоқ (сливки, 30-33%) 350 мл
- Тухум сариғи 3 дона
- Шакар 150 г
- Ванилин 1 чимдим
Тайёрлаш
Сариқларни шакар билан оқаргунча эзинг.
Сутни қайнаш арафасигача иситиб, сариқли аралашмага ингичка оқим қилиб қуйинг, тинмай аралаштиринг.
Аралашмани кичик оловда, қайнатмасдан, қошиқ орқасида из қоладиган қуюқликкача пиширинг (6-8 дақиқа). Ванилин солинг.
Музли сувли идишда хона ҳароратигача совутинг.
Қаймоқни қалин кўпик бўлгунча кўпиртириб, совиган кремга оҳиста аралаштиринг.
Кенг идишга қуйиб, музлатгичга қўйинг; 4-5 соат давомида ҳар соатда аралаштиринг (бу вақт умумий вақтга кирмаган).
