Франсузча гўшт
Бошқача: мясо по-франтсузски, пишлоқли гўшт, печда гўшт
- 1 соат 10 дақиқа
- Ўртача
- Қуюқ таом
Масаллиқлар
- Мол гўшти (ёғсиз) 800 г
- Картошка 800 г
- Пиёз 300 г
- Помидор 300 г
- Пишлоқ 200 г
- Маёнез 150 г
- Ўсимлик ёғи 1 ош қошиқ
- Туз таъбга кўра
- Қора қалампир таъбга кўра
Тайёрлаш
Гўштни толаларига кўндаланг 1 см қилиб кесинг ва плёнка остида енгил уринг.
Картошкани юпқа доира, пиёзни ҳалқа, помидорни доира қилиб тўғранг.
Ёғ суртилган тагорага картошкани теринг ва туз сепинг.
Устига гўштни теринг, туз ва қалампир сепинг. Кейин пиёз ва помидорни қўйинг.
Маёнез суртиб, қирғичдан ўтказилган пишлоқни сепинг.
180 даражали печда 50 дақиқа пиширинг. 10 дақиқа тиндириб, бўлаклаб тортинг.
