Ош
Бошқача: палов, плов
- 1 соат 50 дақиқа
- Ўртача
- Қуюқ таом
Масаллиқлар
- Гуруч 1 кг
- Қўй гўшти 800 г
- Сабзи 1 кг
- Пиёз 300 г
- Ўсимлик ёғи 200 мл
- Саримсоқ боши (ихтиёрий) 2 дона
- Зира (ихтиёрий) 1 ош қошиқ
- Туз таъбга кўра
Тайёрлаш
Гуручни бир неча марта ювиб, илиқ сувга солиб қўйинг.
Қозонда ёғни яхши қиздиринг. Пиёзни ҳалқа қилиб тўғраб, қизаргунча қовуринг.
Гўштни бўлаклаб солинг ва ҳар томони қизаргунча 15 дақиқа қовуринг.
Сабзини сомонча қилиб тўғранг, қўшиб 10 дақиқа қовуринг.
Туз ва зира солинг. Иссиқ сув қуйиб, ўртача оловда 30 дақиқа зирвак қайнатинг.
Гуручнинг сувини тўкиб, зирвак устига текис ёйинг. Сув гуручдан бир бармоқ бўғини баланд бўлсин.
Сув сингиб кетгунча қопқоқсиз 15-20 дақиқа пиширинг.
Гуручни ўртага йиғиб, саримсоқни ботириб қўйинг. Қопқоқни ёпиб, паст оловда 20-25 дақиқа димланг, сўнг аралаштириб тортинг.
