Behili osh
Boshqacha: behi palov, plov s aivoy
- 2 soat
- O'rtacha
- Quyuq taom
Masalliqlar
- Guruch 800 g
- Mol yoki qo'y go'shti 700 g
- Sabzi 700 g
- Piyoz 200 g
- Behi 2 dona
- O'simlik yog'i 200 ml
- Sarimsoq boshi 2 dona
- Zira 1 osh qoshiq
- Tuz ta'bga ko'ra
Tayyorlash
Guruchni yuvib, sho'r suvda ivitib qo'ying. Behini yuvib, urug'idan tozalang va 8 bo'lakka bo'ling.
Qozonda yog'ni qizdirib, go'shtni qizarguncha qovuring. Piyozni qo'shib, yumshaguncha qovuring.
Somoncha qilib to'g'ralgan sabzi va behining yarmini qo'shib, 5-7 daqiqa qovuring. Tuz va zira soling.
Go'shtni yopguncha issiq suv quying va past olovda 35-40 daqiqa qaynating.
Sarimsoq va qolgan behini qo'ying, ustiga guruchni tekis yoying. Guruchdan 1,5 sm baland qaynoq suv quyib, suvi singguncha pishiring.
Guruchni yig'ib, qopqoqni yopib, past olovda 25 daqiqa dimlang. Behi bo'laklarini ustiga terib torting.
