Qovurma palov
Boshqacha: qovurma osh
- 2 soat 20 daqiqa
- O'rtacha
- Quyuq taom
Masalliqlar
- Guruch 1 kg
- Qo'y go'shti 800 g
- Sabzi 1 kg
- Piyoz 400 g
- O'simlik yog'i 250 ml
- Sarimsoq boshi (ixtiyoriy) 2 dona
- Zira 1 osh qoshiq
- Tuz ta'bga ko'ra
Tayyorlash
Guruchni yuvib, iliq sho'r suvda 1 soat ivitib qo'ying.
Qozonni quruq qizdirib, yog' quying. Go'shtni yirik bo'laklab solib, qizil po'stloq bo'lguncha 20 daqiqa qovuring.
Go'shtni chetga surib, piyozni halqa qilib solib qizartiring.
Somoncha to'g'ralgan sabzini qo'shib, 10-15 daqiqa qovuring. Tuz va zira soling.
Qaynoq suv quyib, 45 daqiqa zirvak qaynating.
Guruchni zirvak ustiga tekis yoying. Suv guruchdan 1-1,5 sm baland bo'lsin. Sarimsoqni botirib qo'ying.
Kuchli olovda suv singguncha pishiring. So'ng guruchni yig'ib, qopqoq ostida past olovda 25 daqiqa dimlang.
Aralashtirib, go'sht bilan torting.
