To'y oshi
Boshqacha: Toshkent to'y oshi, bayram oshi, nahor oshi, svadebniy plov
- 2 soat 30 daqiqa
- Qiyin
- Quyuq taom
Masalliqlar
- Guruch (lazer yoki devzira) 1 kg
- Qo'y go'shti 1,2 kg
- Sariq sabzi 1 kg
- Piyoz 300 g
- O'simlik yog'i 250 ml
- Dumba (ixtiyoriy) 150 g
- No'xat 150 g
- Mayiz 100 g
- Qazi (ixtiyoriy) 400 g
- Bedana tuxumi (ixtiyoriy) 16 dona
- Sarimsoq boshi 3 dona
- Zira 1 osh qoshiq
- Zirk (ixtiyoriy) 1 choy qoshiq
- Tuz ta'bga ko'ra
Tayyorlash
No'xatni kechasi bilan ivitib qo'ying. Guruchni bir necha suvda yuvib, iliq sho'r suvda 1 soat ivitib qo'ying.
Qozonda yog'ni tutun chiqquncha qizdiring. Dumba bo'lsa, kubik qilib to'g'rab, jizzasini oling. Halqa qilib to'g'ralgan piyozni qizarguncha qovuring.
Go'shtni yirik bo'laklab soling va har tomoni qizarguncha qovuring.
Sabzini somoncha qilib to'g'rang, qo'shib 10-15 daqiqa yumshaguncha qovuring. No'xat, zira, zirk va tuz soling.
Zirvakni yopguncha issiq suv quying, qazini butunligicha soling va past olovda 1 soat qaynating. Oxirgi 15 daqiqada yuvilgan mayiz va sarimsoqni qo'shing.
Qazini olib qo'ying. Guruchni suzib, zirvak ustiga tekis yoying va guruchdan 1-2 sm baland qaynoq suv quying. Suvi singguncha qopqoqsiz pishiring.
Guruchni tepalik qilib yig'ing, cho'p bilan teshiklar oching. Qopqoqni zich yopib, past olovda 25-30 daqiqa dimlang.
Bedana tuxumlarini 4 daqiqa qaynatib arching. Oshni aralashtirib laganga suzing, ustiga to'g'ralgan qazi, go'sht va tuxumlarni tering.
