Беҳили ош
Бошқача: беҳи палов, плов с аивой
- 2 соат
- Ўртача
- Қуюқ таом
Масаллиқлар
- Гуруч 800 г
- Мол ёки қўй гўшти 700 г
- Сабзи 700 г
- Пиёз 200 г
- Беҳи 2 дона
- Ўсимлик ёғи 200 мл
- Саримсоқ боши 2 дона
- Зира 1 ош қошиқ
- Туз таъбга кўра
Тайёрлаш
Гуручни ювиб, шўр сувда ивитиб қўйинг. Беҳини ювиб, уруғидан тозаланг ва 8 бўлакка бўлинг.
Қозонда ёғни қиздириб, гўштни қизаргунча қовуринг. Пиёзни қўшиб, юмшагунча қовуринг.
Сомонча қилиб тўғралган сабзи ва беҳининг ярмини қўшиб, 5-7 дақиқа қовуринг. Туз ва зира солинг.
Гўштни ёпгунча иссиқ сув қуйинг ва паст оловда 35-40 дақиқа қайнатинг.
Саримсоқ ва қолган беҳини қўйинг, устига гуручни текис ёйинг. Гуручдан 1,5 см баланд қайноқ сув қуйиб, суви синггунча пиширинг.
Гуручни йиғиб, қопқоқни ёпиб, паст оловда 25 дақиқа димланг. Беҳи бўлакларини устига териб тортинг.
