Xorazm oshi
Boshqacha: xorazmcha osh, horezmskiy plov
- 2 soat 40 daqiqa
- O'rtacha
- Quyuq taom
Masalliqlar
- Guruch 1 kg
- Mol go'shti 800 g
- Sariq sabzi 1 kg
- Piyoz 300 g
- Paxta yog'i yoki o'simlik yog'i 250 ml
- Sarimsoq boshi (ixtiyoriy) 2 dona
- Zira 1 choy qoshiq
- Tuz ta'bga ko'ra
Tayyorlash
Guruchni yuvib, sho'r suvda ivitib qo'ying.
Qozonda yog'ni qizdirib, piyozni qizarguncha qovuring. Go'shtni bo'laklab qo'shing va qizarguncha qovuring.
Somoncha qilib to'g'ralgan sariq sabzini qo'shing va 15 daqiqa qovuring.
Tuz va zira soling, zirvakni yopguncha issiq suv quying. Past olovda 1 soat sekin qaynating: mol go'shti yumshab, zirvak quyuqlashsin.
Guruchni tekis yoying, guruchdan 1,5 sm baland qaynoq suv quyib, suvi singguncha pishiring.
Guruchni yig'ib, sarimsoqni botiring. Qopqoqni yopib, past olovda 25-30 daqiqa dimlang, so'ng aralashtirib torting.
