Бухоро оши
Бошқача: оши софи, софи ош, Бухороча ош, бухарский плов
- 2 соат 30 дақиқа
- Ўртача
- Қуюқ таом
Масаллиқлар
- Гуруч 800 г
- Қўй гўшти 800 г
- Сариқ сабзи 800 г
- Пиёз 200 г
- Ўсимлик ёғи 200 мл
- Саримсоқ боши (ихтиёрий) 2 дона
- Зира 1 ош қошиқ
- Туз таъбга кўра
Тайёрлаш
Гўштни катта бўлакларда совуқ сувга солиб, кўпигини олиб, туз қўшиб 1 соат қайнатинг. Шўрвасини сақлаб қўйинг.
Гуручни ювиб, шўр сувда ивитиб қўйинг.
Қозонда ёғни қиздириб, пиёзни қовуринг. Сомонча қилиб тўғралган сабзини қўшиб, 10 дақиқа қовуринг.
Қайнатилган гўштни бўлаклаб қўшинг. Зира ва туз солинг, 2 пиёла шўрва қуйиб, 15 дақиқа қайнатинг.
Гуручни текис ёйинг ва гуручдан 1,5 см баланд иссиқ шўрва қуйинг. Суви синггунча пиширинг.
Гуручни йиғиб, саримсоқни ботиринг. Қопқоқни ёпиб, паст оловда 30 дақиқа димланг.
Аралаштирмасдан сузинг: тагига гуруч, устига сабзи ва гўшт.
