Тўй оши
Бошқача: Тошкент тўй оши, байрам оши, наҳор оши, свадебний плов
- 2 соат 30 дақиқа
- Қийин
- Қуюқ таом
Масаллиқлар
- Гуруч (лазер ёки девзира) 1 кг
- Қўй гўшти 1,2 кг
- Сариқ сабзи 1 кг
- Пиёз 300 г
- Ўсимлик ёғи 250 мл
- Думба (ихтиёрий) 150 г
- Нўхат 150 г
- Майиз 100 г
- Қази (ихтиёрий) 400 г
- Бедана тухуми (ихтиёрий) 16 дона
- Саримсоқ боши 3 дона
- Зира 1 ош қошиқ
- Зирк (ихтиёрий) 1 чой қошиқ
- Туз таъбга кўра
Тайёрлаш
Нўхатни кечаси билан ивитиб қўйинг. Гуручни бир неча сувда ювиб, илиқ шўр сувда 1 соат ивитиб қўйинг.
Қозонда ёғни тутун чиққунча қиздиринг. Думба бўлса, кубик қилиб тўғраб, жиззасини олинг. Ҳалқа қилиб тўғралган пиёзни қизаргунча қовуринг.
Гўштни йирик бўлаклаб солинг ва ҳар томони қизаргунча қовуринг.
Сабзини сомонча қилиб тўғранг, қўшиб 10-15 дақиқа юмшагунча қовуринг. Нўхат, зира, зирк ва туз солинг.
Зирвакни ёпгунча иссиқ сув қуйинг, қазини бутунлигича солинг ва паст оловда 1 соат қайнатинг. Охирги 15 дақиқада ювилган майиз ва саримсоқни қўшинг.
Қазини олиб қўйинг. Гуручни сузиб, зирвак устига текис ёйинг ва гуручдан 1-2 см баланд қайноқ сув қуйинг. Суви синггунча қопқоқсиз пиширинг.
Гуручни тепалик қилиб йиғинг, чўп билан тешиклар очинг. Қопқоқни зич ёпиб, паст оловда 25-30 дақиқа димланг.
Бедана тухумларини 4 дақиқа қайнатиб арчинг. Ошни аралаштириб лаганга сузинг, устига тўғралган қази, гўшт ва тухумларни теринг.
