Қазили ош
Бошқача: қази ош, чойхона оши, плов с казй
- 2 соат 10 дақиқа
- Ўртача
- Қуюқ таом
Масаллиқлар
- Гуруч 800 г
- Мол гўшти 600 г
- Қази 400 г
- Сабзи 800 г
- Пиёз 250 г
- Ўсимлик ёғи 200 мл
- Саримсоқ боши 2 дона
- Зира 1 ош қошиқ
- Бедана тухуми (ихтиёрий) 12 дона
- Туз таъбга кўра
Тайёрлаш
Гуручни ювиб, илиқ шўр сувда ивитиб қўйинг.
Қозонда ёғни қиздириб, ҳалқа қилиб тўғралган пиёзни қизаргунча қовуринг.
Гўштни бўлаклаб солинг ва қизаргунча қовуринг. Сомонча қилиб тўғралган сабзини қўшиб, 10 дақиқа қовуринг.
Туз ва зира солинг, иссиқ сув қуйинг. Қазини бутунлигича зирвакка ботириб, паст оловда 40 дақиқа қайнатинг.
Қазини олиб қўйинг. Гуручни зирвак устига ёйинг, гуручдан бир бармоқ баланд қайноқ сув қуйиб, суви синггунча пиширинг.
Гуручни йиғиб, саримсоқни ботиринг. Қопқоқни ёпиб, паст оловда 25 дақиқа димланг.
Ошни лаганга сузинг. Устига қазини ҳалқа қилиб тўғраб қўйинг, хоҳласангиз қайнатилган бедана тухуми билан тортинг.
